冬至行澳門

冬至，全家人就係我同老婆，無左世俗好多顧慮，因為我同太太一齊就等於團圓，所以決定唔係屋企食冬至飯，去左澳門一天遊。

預期是一天遊，8:50踏上常平長途客車，12:00左右到左拱北。同老婆食左個茶餐廳午飯後，13:30左右過關到澳門。

過關時發生了一小插曲，就是我的身份証有損壞，澳門海關話今日大時大節比我過，下次可能無面比會唔比入。

第一站由關口坐威尼斯人穿梭巴士去熟識的威尼斯人酒店，其實係比老婆見識一下真正的賭場，及去大運河商場行一下，參觀一下而已。今次在大運河商場仲破天荒出左港幣270去買兩張貢多拉船體驗（The Gondola Ride Experience),其實隻Gondola行電，唔係人搖。

之後約17:00坐威尼斯人車去外港碼頭，再轉新葡京穿梭巴士。行左陣新葡京lobby,沿新馬路行去市政廣場，影左張郵政總局及民政大樓相，跟著行去大三巴。

大三巴唔知幾時開始有光影表演，約10分鐘一次，回程又發現連玫瑰堂都有光影表演。

晚上8:00，去醫一下肚，坐9:30夜船回香港去了。