因為澳門已經同內地通關，只要留內地夠14日，有核酸報告7日內可自由出入，很久沒有去過澳門，反正在珠海咁近當然要過去玩，開始本來諗住玩5日最後玩了14日，過澳門流程首先在珠海做核酸60元一次，我16號上午去做，16晚上10點就已經上傳報告到粵省事上，因為我香港人所以17號早上去拿紙質報告穩陣些，18號早上我先上粵省事填好資料生成二維碼截圖，之後行程碼截圖，最後轉澳康碼截圖，記得唔好咁早做，最好出發前半天做，因為有限時間，但係一定要做定省很多時間，還有截圖很重要因為關口網絡很差，之後跟住工作人員指示一步一步過關，過關之後有張小票給你一定要留下，很多酒店同警察會檢視，因為國內只有7天居留權，我們香港人好些可以留澳門一年，過關後在酒店發財車去酒店
第一二晚住新葡京酒店，到達酒店下午1:00，同酒店職員講唔要吸煙房，佢就問我們可不可以等一個小時，他幫我們免費升級湖景房33樓，押金2000，咁我們就放下行李去食飯回來才拿房，房間可以，還有汗濕蒸氣房同按摩浴缸浴鹽，有膠囊咖啡機同雪櫃飲品免費，窗外景色不錯👍，交通又方便，附近食嘢又多。
我們先去食黃支記麵店，食物一般，無驁喜也不算差，最主要不用疫情前排隊如果排隊就不會食
之後去咗大三巴同澳門博物館炮臺同戀愛巷
之後回酒店拿房買了個豬扒包
舊葡京酒店
今次住新葡京酒店
酒店賭場送保溫杯
窗外夜景
之後出去到處行，美高梅酒店
凱旋門酒店
永利皇宮酒店
試嚇澳門麥當勞
返酒店休息飲罐啤酒
早上起床去食保叔美食
牛腩面真係好食，可以講比香港很多麵店都好食
豬扒包一般
平民版魚翅撈飯可以一試
雖然這間店不算頂級好食，但係值得去食，還有老闆娘非常好客，所以之後我又去了一次
之後去了買一盒最香杏仁餅返酒店食，呢間店好出名炭燒杏仁餅，之前得一間舊舖連工場，現在開多一間做門市
之後行去馬閣
再行去鄭家大屋
英皇酒店
之後在酒店旁邊瑪嘉烈葡撻買半打返酒店
酒店泳池
酒店賭場
晚上去了六記粥麵外賣，呢間一定要食，很好食，每次去澳門必食
炸雲吞炸米通鯪魚球
大腸鳳爪
水蟹粥
及第粥
晚上宵夜
今天換酒店，用手機app叫咗部的士，這個app很好用叫澳門的士，他們的士全部7人車，一定要電召，你在街上見到也不理你，同普通的士一様收費，可預約，到時會打電話比你，可以留澳門，香港，大陸電話，如果你無聽電話佢唔會來接你，到了酒店要3點才可以入住，所以先去官也街食野，我之後三日住勵宮酒店，所以行過對面金沙酒店坐發財車去威尼斯人酒店，慢慢行過去官也街
第一間食莫義記貓山王榴連雪糕
68元一杯，不過真係好似食緊榴連值得食
世記咖啡，不過唔係我杯茶
食牛什，好一般
之後買了2張澳門通方便坐車，原本6元車費用它就3元，快車4元，便利商店有買130元一張，工本費30元100可以用，除了坐車還有很多地方可以用
之後去食金利，真係好食，記得叫佢加辣椒漿好吃好多
咖哩雞尤魚河粉
肉丸河粉
之後坐車回酒店
海立方賭場
勵宮酒店，我今次住的是豪華海景套房，酒店押金2000元，有68平方，一房一廳，雙露臺，我喜歡這酒店是澳門二間有露臺酒店之一，其他酒店都係密封玻璃，早上晚上在露臺吹吹海風，看看海景，飲酒食東西很爽，交通方便，很多公交站。
又係有膠囊咖啡
這些要收費
金龍酒店
酒店就在漁人碼頭
去我主埸睹兩手，我唔爛賭，只係娛樂，睹很細
今晚手氣麻麻，輸咗一萬五，回酒店休息
酒店露臺夜景
早上起床飲杯咖啡
之後去食翅
去鉅記買些東西酒店食
再係味香園也買些東西酒店吃
之後回酒店游泳
早上去食祝之三
好正宗喇沙湯底面
辣魚包，澳門特色
食完去咗附近紅街市
很久歴史龍華茶樓
買了盒士多啤梨
用澳門外賣app澳覓，同美團一模一樣好方便，但係因為全澳門酒店都係唔比外賣員入酒店，所以一定要自己下樓拿外買，酒店不會代收。
之後我自己去了營地街市熟食中心
我過來太晚了，全部都關門，中午很多澳門平民食物，還很便宜，有幾間很好食
這間是唯一一間還在開門，也是我專門過來吃的一間，事先宣告，不是因為他很好吃，因為我在澳門住過一段時間，這間一直是我飯堂，合我口味。
之後去看夜景大三巴，我一直覺得夜晚大三巴比早上漂亮
之後去了賭場，贏了8000，補償之前一點損失
今天又換酒店，本來想繼續住，但係這個房型5天也滿房了，就只好訂新濠影匯，本來想住巨星滙但係無房，就住明星滙，之前都住過，是向巴黎鐵塔景，但係今次也沒有，只有泳池景同橫琴景，選擇橫琴景，不用押金，可以快速退房，交通也方便，門口很多公交站還有輕軌站，我12:09去到馬上有房給我們
放下行李就去官也街食小飛象葡國菜
這個葡國臘腸炒飯我覺得最好食
羊肋骨不錯
葡國雞老婆覺得最好食
馬介休真係好食
番茄什菜湯一般
好食
食完老婆店當然食埋老公安德魯葡撻
呢間晃記D餅也不錯
酒店樓下商場
巴黎人
去大龍鳳飲早茶，這間也有很久歷史，不過如果你係北方人同食得重口味的人，千萬不要來這間飲茶，因為他係傳統做法點心，只有我們這些老香港人或老澳門人才識欣賞，正宗兒時味道，我老婆也吃不慣
有粵曲
呢間酒店水管夠，每天10瓶
上葡京，葡京人全新酒店，但係暫時做隔離酒店
這隻係何家之前其中一個睹場，老一輩叫賊船，原本那隻已經停用，之前就停在現今十六浦酒店那附近，現在這隻是從製版，但是真係一模一樣
葡京人酒店
澳門輕軌
酒店商場
在酒店食街買個飯給老婆
之後我去了這間勤記糖水，也是老字號，很多澳門人幫襯，我也是每次必食，簡單糖水，沒有什麼花巧東西
呢間咖哩好辣，我不太喜歡
炸物可以一試
之後入賭場借廁所用，唔見2000
早上老婆講那天早茶不好吃就同佢去澳門塔飲茶，呢間食物真係一流，雖然貴一點很值得
之後去二龍喉公園坐全世界最短纜車
松山公園
網紅打卡位
倫敦人酒店
巴黎人酒店商場
新濠影匯商場
又去了保叔食呢個農夫包同阿華田脆脆
晚上在酒店外賣餃子同醬骨架給老婆食
我去咗食海王冰室
無骨雞翼炒公仔麵好正
奶油豬也不錯
晚上回來酒店發生件趣事，我入新濠影匯睹埸借廁所，之後在1000元枱看別人玩，那張枱只有一對內地夫婦在玩，怎知道職員趕我離開，我就換錢玩，贏了4000元就上房睡覺
早上下大雨就去澳門第一間SHAKE SHACK
味道很好
Lady M
邱吉爾餐廳
太二
威尼斯人商場
飲杯喜茶
今天又換酒店，換回之前勵宮住2天，同一房型一房一廳海景套房，酒店睹埸新會員送豬扒包，舊會員送100消費卷，不過我沒有換到，這酒店職員很好，12:00就給我們入住，押金一様2000元
還有2天就離開澳門，因為我們珠海那個核酸測試報告已經過期了，所以去澳門鏡湖醫院再做一次，要預早網上預約，90元一次，很快出結果，我們放下行李，下午2:00做檢測，下午6:00出報告，還很好24小時都可以去拿紙質報告，因為我之後從澳門飛去烏魯木齊，在上海轉機，提醒小夥伴澳門飛上海的一定要拿紙質報告，我還影印了2份，因為在上海會收你的紙質報告，我晚上10:00去醫院拿紙質報告
檢測完附近拍照
這間網紅阿禮雪糕店
之後去了平民葡國菜坤記餐室吃飯
這個辣椒酸辣好開胃
葡國汽水
牛尾
葡國炸雞，但係感覺唔到炸，幾嫩滑
這個炸魚籽最好食
滿滿魚籽，不過不是三文魚籽，係普通魚魚籽，反正經過可以試試，不用特別去食，我見到很多本地葡國人食，反而遊客只有我們
晚上叫外賣
在平民添發食魚翅
今日最後一天在澳門，因為明天5月1號，所以勵宮又滿房，我就換到旁邊同一集團麗庭海景酒店，今次住兩房一廳套房，100平方，一間雙床房，一間大床房，可以同老婆一人瞓一間
三個洗手間，兩浴缸，可以一人浸一個
酒店安排最高層，還是海景房，不過窗戶有點小，這張照片是酒店外景
窗外景色
這間萊斯酒店，有些歷史，也是澳門唯有2間有向海露臺酒店之一
巴比倫賭埸，我玩過2次都贏錢，今次也不例外。
晚上叫了鮑魚魚翅撈飯，外賣送煲
今次澳門14曰行程正式結束，多謝收看。
本文章將原文轉貼為繁體中文方便閱讀